შპს „საკრედიტო საინფორმაციო ბიურო - პლატფორმა რანკო“ (საიდენტიფიკაციო ნომერი: 406337593) წარმოადგენს საქართველოს მოქმედი კანონმდებლობის შესაბამისად საქართველოს ეროვნული ბანკის მიერ რეგისტრირებული საკრედიტო საინფორმაციო ბიურო - პლატფორმას“, რომელიც მომხმარებელს საშუალებას აძლევს მოიძიოს საუკეთესო შეთავაზება სასურველ საკრედიტო პროდუქტებზე.

რანკოს საშუალებით შეგიძლია ერთი განაცხადით სესხი დაიმტკიცო რამდენიმე ბანკში და მიკროსაფინანსო ორგანიზაციაში, ნაცვლად იმისა რომ ცალ-ცალკე შეავსო განაცხადები, ან ესტუმრო რამდენიმე ბანკის ფილიალს. შენ დაზოგავ დროს და მიიღებ საუკეთესო შეთავაზებას.

შენ ავსებ განაცხადს, ჩვენ ამ განაცხადს ვუგზავნით პარტნიორ ბანკებსა თუ მიკროსაფინანსო ორგანიზაციებს. საბოლოოდ შენ იღებ შეთავაზებას თუ რომელმა რა პროცენტში და რა პირობებით დაგიმტკიცა სესხი. შემდეგ კი ირჩევ შენთვის საუკეთესო შეთავაზებას.

რანკო მომხმარებლისთვის სრულიად უფასოა.

თუ რეგისტრაციისა და განაცხადის შევსების დროს პრობლემები შეგექმნა,ეს ვიდეო დაგეხმარება: https://www.youtube.com/watch?v=a-x0LTg5AsE

შეგიძლია პირდაპირ დაიწყო განაცხადის შევსება და რეგისტრაციას გაივლი ბოლო ეტაპზე.

არა, რანკო არ არის ბანკი ან მიკროსაფინანსო ორგანიზაცია. რანკო არის საშუამავლო პლატფორმა, რომელიც მომხმარებელს საუკეთესო პირობების აღმოჩენაში ეხმარება.

ჩვენ ვმუშაობთ რომ პლატფორმაზე წარმოდგენილი იყოს, ქვეყანაში რეგისტრირებული ყველა ბანკი, მიკროსაფინანსო ორგანიზაცია თუ სალიზინგო კომპანია. პარტნიორი ორგანიზაციების ჩამონათვალი - თბს, კრისტალი, ევროკრედიტი, დიზი ლიზინგი.

თუ განაცხადს შეავსებ რანკოზე, უკვე დამტკიცებულ სესხზე მიიღებ შეთავაზებას. შესაბამისად, პირობები აღარ შეიცვლება თუ სესხის განაცხადის შევსების დროს წარმოდგენილი ინფორმაცია სრული და უტყუარი იქნება.

რანკო იყენებს მინიმალური ინფორმაციის პოლიტიკას, რაც გულისხმობს, რომ ხდება მხოლოდ იმ ინფორმაციის მოძიება, რაც საჭიროა საკრედიტო გადაწყვეტილების მისაღებად. ასევე, პლატფრომაზე არ ხდება შემოსავლების და საკრედიტო ისტორიის შესახებ ინფორმაციის შენახვა. შეთავაზებების მიღების შემდეგ აღნიშნული ინფორმაცია იშლება. ასევე, პლატფორმაზე შენახული ინფორმაცია არის დაკრიპტული და არ არის ხელმისაწვდომი არაავტორიზებული პირებისთვის.